„Фејсбук“ лансира нов сервис за своите корисници

Најпопуларната социјална мрежа „Фејсбук“ лансира нов сервис „Гифтс“ кој ќе им овозможи на корисниците да праќаат „вистински“ подароци на своите пријатели.

„Фејсбук Гифтс“ од 27 месецов веќе е достапен на одредени корисници во САД.

Заинтересираните корисници ќе можат да кликнат на линкот гифтс на страните на своите пријатели и тогаш ќе им се покажат подароци кои ќе можат да се нарачаат како картички за подарок на ланецот на продавници „Старбакс“, колачи или плишани мечиња. Примачот преку „Фејсбук“ ќе биде известен да ја внесе адресат за достава, а таа компанија ќе има процент од секој продаден подарок.