Најмоќниот супер компјутер стана уште помоќен

[You must be registered and logged in to see this image.]

Во супер компјутерот на компанијата "Cray", наречен "Jaguar" или ХК7, кој се наоѓа во лабораторија во Оак Риџ во САД, инсталирана е првата група на графички процесорски единици "NVIDIA Tesla K20". Компјутерот добил и ново име, "Titan".

Со 18.688 графички процесори, перформансите на компјутерот надминуваат 20 петафлори, или 20 билијарди операции во секунда. Компјутерот во себе има ист број и "AMD Opetron 6274" процесори со 16 јадра, меѓутоа хардверот "NVIDIA Tesla K20" е одговорен за 90% од процесорските моќи.

"Titan" компјутерот сега е десет пати помоќен и пет пати поефикасен од "Jaguar", кога станува збор за потрошувачката на електрична енергија.

Иако хардверот кој е вграден во овој компјутер не е наменет за стандардните компјутери, од компанијата "NVIDIA" изјавиле дека лекциите кои што ги научиле од развојот на графичките процесорски единици за супер компјутерот, ќе ги применат и за производство на графички картици и за стандардните компјутерски единици.

[You must be registered and logged in to see this image.]