Игор Џамбазов: Леси се враќа дома

[You must be registered and logged in to see this image.]

Игор Џамбазов во интервју во Дневникот 2 на Македонската Телевизија зборува за тоа колку македонскиот народ е опседнат со политика и дека треба да се олабави, како и за неговото ново шоу ЏИШ кое ќе стартува наскоро на МРТ1.

Зборува дека идејата за ова шоу ја има веќе 15-20 години и конечно дошол до луѓе кои му помогнале во реализација на проектот кој е производ на идеи собирани со години. За Игор бил поразителен фактот што македонските телевизии се заразени од „кич и шунд“ и тоа што македонскиот јазик многу ретко може да се слушне на истите.

Снимањето стартува за десетина дена, а премиерата на ЏИШ ќе биде во почетокот на декември. Според она што го дознавме, за ЏИШ ќе биде обезбедено ТМЕ Студиото на МРТ.

Игор вели и дека на 16-ти октомври, по повод 5-годишнината од смртта на Тоше Проески, Македонската телевизија ќе направи специјална програма со многу гости.

[You must be registered and logged in to see this link.]