Камчев сепак нема да ја купува Канал 5 телевизија

Откако повеќето медиуми вчера објавија информација дека Орце Камчев ќе ја „спасувал“ Канал 5 телевизија со тоа што ќе ја преземе во негова сопственост, денес Емил Стојменов демантираше дека сопственикот на Орка Холдинг е заинтересиран за такво нешто.

„Апсолутно не е точно дека тој ќе ја купи телевизијата. Нема никакви преговори за тоа. Ниту има таква намера. Вчера се слушнавме и се смеевме за тоа“, изјавил сопственикот на Канал 5 за Нетпрес.
Стојменов до крајот на овој месец ќе мора да ја усогласи сопственичката стурктура на неговата телевизија со условите на Законот за радиодифузија со којшто се забранува извршител на јавна функција или членови на неговото семејство да бидат сопственици на медиум.