ВИСТИНСКИОТ СОПСТВЕНИК НА „БУМ“ И „К15 МЈУЗИК“ ПРИСТИГНА ВО СКОПЈЕ

Директно од Австралија, во Скопје дојде вистинскиот сопственик на програмските телевизиски сервиси „БОМ“ и „К15 мјузик“. Станува збор за фирмата „ТВ Плус“ која преку сателит емитува повеќе од 50 канали, повеќето од балканскиот регион....





Директно од Австралија, во Скопје дојде вистинскиот сопственик на програмските телевизиски сервиси „БОМ“ и „К15 мјузик“. Станува збор за фирмата „ТВ Плус“ која преку сателит емитува повеќе од 50 канали, повеќето од балканскиот регион. За сите недоразбирања околу тоа кој е носителот на авторските права дознале пред два дена, и веднаш одклучиле да регираат. Нивните правни служби констатирале дека компанијата која минатата недела испратила допис до Советот за радиодифузија е избришана од австралискиот регистар на компании.



Писмото во кое се тврди дека ги поседуваат правата за реемитување на овие канали е измана, тврди претставникот на „ТВ ПЛУС“, Џон Јеремиќ .

- Јас зборував со Милена Миковиќ – личноста чиј потпис стои на ова писмо.Таа потврди дека е нејзин , но дека таа не се потпишала, ниту пак го авторизирала писмото, рече Јеремиќ.

Во меѓувреме, допрва ќе се утврдува кој стои зад програмските телевизиски сервиси кои на македонската публика и се познати како „Бом“ и „К15 мјузик“ бидејќи се нелегални.

- Програмата која тука се емитува не е иста со онаа во Австралија, рече претседателот на Советот, Зоран Трајчевски.

Операторите на јавните комунукациски мрежи кои ги ремитуваат овие канали имаат рок од 7 дена да ги исклучат.

Од Советот денеска потврдија и дека сопственикот на „АБ“ телевизијата која од вчера престана да емитува програма должи околу 35.000 евра. Рокот за исплата е понеделник, а доколку тој не се испочитува на телезијатата ќе и биде одземена дозволата.