Поминуваме 1460 часа годишно пред телевизорот

27% од сопствениците на Smartphones и 63% од сопствениците на таблети ги користат уредите за гледање телевизија, покажува истражувањето нарачано од кабловска компанија.



Интернетот е идеална можност да ги проширите своите хоризонти и да дознаете многу работи за светот. Но, како што изгледа голем дел од луѓето се ограничени на познатите можности, како гледање на телевизија. Статистиката покажува дека 40% од сите пораки на социјалните мрежи се на тема телевизиски емисии.

Исто така беше утврдено дека домаќинствата имаат во просек еден или два телевизора, а нивниот број во последната деценија значително е намален. Но, тоа воопшто не значи дека гледаме помалку телевизија.

Истражувањето покажува дека речиси една третина од корисниците на нови технологии гледаат на нив телевизија најмалку еднаш неделно. Најпопуларниот жанр во филмовите е комедијата, кој е сакан од 95% од населението. Резултатите покажуваат уште дека обичен гледач поминува 1460 часа годишно во гледање телевизија.