Македонската телевизија Пинк 15 повеќе не зрачи во етерот

Македонската телевизија Пинк 15 повеќе не зрачи во етерот. Советот за радиодифузија донесе одлука да се одземе дозволата за работа. Причината е неплатен долг. Членот на Советот Замир Мехмети објаснил дека телевизија од типот на Пинк 15 воопшто нема да недостига во македонскиот етер.

Со него ќе се согласиме и ние кои, како телевизиски критичари постојано забележувавме пропусти во работата на оваа телевизија. Неколкумина од членовите барале да се одземе дозволата и на А2 поради тоа што емитувале музички спот несоодветен за малолетната публика.

Жал ни е што некој ќе остане без работа по оваа одлука на СРД, но време беше да се направи уште една "чистка" на македонскиот медиумски простор.