Телевизиите емитуваат сапуници 600 минути дневно!

[You must be registered and logged in to see this image.]

Порталот МКД.мк вчеравечер излезе со остра критика за програмата на водечките македонски телевизии Сител и Канал 5. Според нив, овие две телевизии се во мртва трка кој повеќе да ги „силува“ гледачите со турски и индиски шунд, како што самите ги нарекоа најгледаните серии во Македонија.

Анализите на порталот откриваат неверојатни факти. Канал 5 телевизија дневно емитува дури 610 минути турски и индиски серии, или нешто повеќе од 10 часа. Но, и Сител не заостанува. Таа дневно емитува 570 минути турски и индиски драмски серии, или популарно наречени „сапуници“.


Во Советот за радиодифузија се свесни за овој проблем, еве што изјавиле тие:

„Овој проблем сe уште не е отворен и ставен на дневен ред, а сѐ дотогаш програмското уредување останува на свеста на уредувачките тимови на телевизиите. И СРД, а и националните телевизии, пред се треба да бидат во служба на гледачите. Верувам дека и ова прашање ќе се реши и дека ќе се најде законска регулатива за во иднина“, изјавил Бранко Радовановиќ, член на СРД.