Домашни серии, документарци и шоуа – дел од МРТ во 2013-та

by форумџија Чет 13 Дек 2012 - 9:53

МРТ се врати на голема врата. Ребрендирањето и новата програмска шема повторно го ставија јавниот сервис на првиот број на далечинскиот управувач речиси во секој дом. Тенденцијата на постојан раст на гледаноста продолжува. Маркетинг агенциите беа првите кои ѕирнаа дел од она што се подготвува за следната година.

„Целта да го вратиме имиџот на МРТ успеа, сега ќе работиме на подобрување на рејтингот на гледаноста, иако, по дефиниција, јавниот сервис не треба да се стреми кон висок рејтинг, туку кон законски утврдениот јавен интерес“, изјави Марјан Цветковски, генерален директор на МРТ.

Квалитетната странска програма ќе биде надополнета со сопствена продукција. Наскоро почнува снимањето на високобуџетна домашна играна серија, повеќе шоу програми и квизови, едукативни детски и младински емисии, документарни филмови. Спортот останува во сржта на понудата.

„Се прават нови играни серии, нови ток шоуа како ЏИШ со Игор Џамбазов и Тунел со Живкица Каленикова, но и други изненадувања кои во текот на наредната година ќе бидат дел од програмата, меѓу другото и сопствена продукција на “Танц со ѕвездите“, вели Слободан Младеновиќ, раководител на Секторот за маркетинг на МРТ.

Амбициите на Јавниот сервис не запираат овде. Се враќаат оркестрите и детското драмско студио. Процесот на напуштање на аналогниот сигнал ќе заврши до јуни в година. Паралелно се работи и на дигитализација на архивите кои ја содржат колективната меморија на македонскиот народ во изминативе речиси 70 години.