Визуелен идентитет на нашите телевизии

Визуелениот идентитет за една телевизија претставува доста важна работа.
Шпиците, џингловите, сценографиите на емисиите...
Колку и да е интересна некоја емисија, барем мене не би привлекла да ја гледам ако не изгледа барем солидно за наши услови.

Во оваа тема ќе може да се поставуваат screenshot-ови, видеа, whatever од визуелните изгледи на нашите телевизии (пред се официјалните шпици на телевизиите, најавите за емисии/серии/филмови, шпици за епп, најави на програма, шпици за вести и студија од истите, разни сценографии од емисиите...).

Порталот Нет Прес објави ексклузивни фотографии од новото студио за Дневник на МРТ, кое официјално ќе се презентира во недела (23.09), кога ќе започне и обновениот период во историјата на националниот сервис. Од фотографиите можеме да заклучиме дека завршиле навистина одлична работа.

Како што беше најавено, вечерва (недела) точно во 19.30 часот во етерот на МРТ 1 се појавија легендарните Бранка Станковска и Благоја Крстевски. Новиот Дневник започна со најстарата шпица на Дневникот на Македонската телевизија. По појавувањето на ексклузивните гости гледачите можеа да се потсетат на моментот кога Станковска за прв пат го најавила стартот на оваа телевизија.

Новиот лик на Дневникот остави само позитивни коментари зад себе. Ново лого, нови џинглови, нова шпица, нови ликови и се разбира, ново студио. Македонската телевизија го исполни ветеното!

Откако Станковска и Крстевски потенцираа дека им претставува огромна чест што имаат можност да го презентираат ултра модерното студио на МРТ, презентерското место му беше препуштено на Горан Петрески, новиот уредник на Националниот сервис.

Логото на МРТ во висока резолуција.