Тројца новинари отпуштени од Канал 5 телевизија

Тројца новинари од спортската редакција на Канал 5 телевизија се отпуштени поради засега нејасни причини. Медиумите наведуваат дека во прашање се новинари што во оваа телевизија работеле долги години. Еден од нив бил вработен во Канал 5 долги 12 години.

За вчера (вторник) беше најавен состанок помеѓу директорот на Канал 5 и отпуштените новинари. Наводно, нивните плати биле намалени за 10 %, а администрацијата им најавила и дека телефонските сметки ќе треба сами да си ги плаќаат.

Новинарите сеуште не знаат зошто се отпуштени иако долго време биле дел од тимот на Канал 5.