Анализа на А6 процесорот во iPhone 5

На тимот од Chipworks и iFixit веќе им стана навика да ги „соблекуваат“
новите уреди од Apple. Овојпат го зеле „петката“ и го „сецирале“ чипот
што е во него. Ем микроскопски, ем ренгентски.

За почеток
користеле јонско потопување на куќиштето на чипот за да можат да дојдат
до самиот силициум кој го ваделе слој по слој и потоа ја анализирале
структурата на A6 чипот.

Микроскопската визуелна анализа
покажала дека чипот поседува еден гигабајт DDR2 SDRAM од Elpida Memory
и изработен е во 32-нанометарски CMOS производен процес, каде, ако не
во Samsung. Димензиите му се 9,7 х 9,97 милиметри. Иако производителот
е Samsung, дизајнот е на Apple и наместо вообичаените компјутерски,
односно алгоритамски контроли, со „грдото“ поставување на компонентите
внатре во чипот, постигнати се подобри перформанси на чипот.

Основните
делови се две ARM јадра и три PowerVR графички единици. Се
претпоставува дека виновникот за дизајнот на А6 чипот е компанијата PA
Semi која Apple ја купија пред четири години.