И дојде крајот и на телевизија АБ Канал

Бојо Андревски и стави клуч на АБ телевизија.

„Чистката“ на медиумите во Македонија продолжува.



АБ телевизија се затвори. Газдата Бојо Андревски денеска ги собрал вработените на состанок и им објавил дека ова им е последниот ден на работа.



Од денеска нема да има вработени во телевизијата, а ќе се емитува само снимена програма до конечното згаснување, кое според информациите ќе биде утре.

АБ канал имаше ненамирени обврски за концесијата, па Советот за радио-дифузија, најверојатно оваа недела на дневен ред ќе ја имал токму телевизијата.

Сопствениците веќе некое време се обидуваа да најдат купец за телевизијата, но, тоа не се случи и покрај многуте шпекулации.

На вработените им било кажано дека сите плати ќе им бидат исплатени, вклучувајќи го и месец септември.