Apple потврди дека најновиот iPhone ќе се појави во Македонија на 14-ти декември, заедно со куп други земји од регионот. По тој датум уредот ќе биде достапен вкупно во 97 пазари ширум светот.

Иако iPhone 5 е дури шеста генерација, сепак е прв кој доаѓа со променет дизајн. Наместо 3,5 инчен екран, „петката“ има поголем 4-инчен екран со 326 PPI Retina дисплеј, 1136 х 640 резолуција или 16:9 aspect ratio. Работи на Apple A6 процесор со две јадра, има од 16, 32 и 64 GB простор, батерија која може да издржи 8 часа користење, 8 MP камера… тука ќе ги најдете сите технички спецификации.

Како до сега, iPhone 5 ќе биде понуден од T-Mobile, а цената ќе зависи од тарифите. Во моментов, најевтин iPhone 4S 64 GB чини околу 3.000 денари, но на тарифа од 3.600 денари месечно со 4 GB интернет.

Што се однесува само до телефонот, iPhone 5 веќе се продава од одредени хардверски продавници и чини околу 50.000 денари. Но, се раоти за сива економија, односно тие кои го продаваат не се официјални партнери на Apple и пред да го купите од таму проверете дали и колку време важи гаранцијата.